Tuesday, January 3, 2012

Post 6: SEPTICAEMIA

Thuhma:  Mizote zingah Septcaemia vanga thi kan awm leh zauh thin a, a pawi hle mai. He natna chungchang hi tawi kim deuhin i lo sawi dawn teh  ang.
Septicaemia chu engngeni?  Kan thisenah natna hrik tam tak lo lutin an inthlah pung hluai a, chu chuan taksa nasa taka  khawihin, khawsik, BP hniam leh thil dangtea  lo lang chhuak hi  Septicaemia  chu a ni.  Septicaemia  hi awlsam tea thihpui theih a nih avangin a rang thei ang bera enkawl nghal an mamawh thin.
Septicaemia chu engtia lo awm nge?  Kan taksa peng khawi laiah emaw natna hrikin bu a lo khuar a (infection), chu mi atang chuan natna hrikte chu thisen zamah an lo lut ta thin a ni.  Septicaemia hi chi hnih ang deuhin a then theih:  (i) Primary Septicaemia –natna hrik bu khuarna (infection) lai tak hriat theih mai loh hi. A tlangpui thuin hetianga dam lote hi  tar chak lo te, zu ngawl vei  te, zun thlum leh natna benvawn dang engemaw neite zingah an tam bik.  (ii) Secondary Septicaemia-natna hrik bu khuarna hmun awm hriat theihte:  Chung natna hrik bu khuarna hmun lar zualte chu: vun (pem leh pan hnai la te), zun kawng, chuap leh thawkna dawt, mitbawm (gallbladder), ril leh kumkuruh chhung, etc.  Damlo, damdawi ina awm sa zingah chuan zun siakna catheter atang te, IV pekna canula atang te, zaina (surgery) hmuamhma ‘septic’ atang te, kang (burns) leh adt. atangin  septicaemia hi a thleng thei bawk a, rei tak natna tuara taksa chak tawh lote leh natna benvawn neiten an vei awl bik bawk.
Taksaa a lan chhuah dan:  Khawsik, tlun,  BP hniam, lu leh tihrawl na te hi Septicaemia hian a keng tel tlangpui thin.  A tir lamah erawh chuan taksaa lang chhuak mang lovin hun engemaw chen a awm thei bawk. Septicaemia hian taksa hmun dang dangah ‘septic’ bu khuar(foci) a siam thei a, a chang phei chuan natna hlauhawm tak ‘septic shock’ hial a siam thei bawk.
A enkawl dan:  Septicaemia nia rinhlelh chu a awmtirtu natna hrik hriat theihna turin  thisen, zun,khak, ek, pan hnai, adt. ‘culture’ hmanga endik nghal  tur a ni a, a result a chhuah hma pawhin a ngeih ber tur nia rin damdawi pek nghal vat tur a ni bawk. Eng damdawi nge tha ber ang tih chu a enkawltu doctor-in Septicaemia awmtirtu nia a rin atangin thutlukna a siam ang a, damdawi 2 /3 lai pawh pek ho a tul fo thin.  Test result a chhuah hma chuan ni tin damlo awm dan chu enthlithlai reng chungin a tul dan ang zela damdawi pawh tihdanglam theih a ni ang a, Test result a chhuah ve leh a ngeih bik tur damdawi kha pek zui  tawh mai tur a ni.
Hriatreng tur:    Septicaemia hi thih pui hlauhawm tak a nih avangin a rang thei ang bera inenkawl tur a ni.   Heng a hnuaia mi ang hian mi a dam loh chuan damdawi in/doctor pan nghal thuai a tha.
·         Damlo na taka khawsik leh tlun
·         Engemaw chen dam lo tawh a rilru a lo buai tan deuh chuan
·         Damlo chu a vunah duk thliah thliah te a lo awmin emaw, a ha hni leh hnar thi emaw  a neih chuan.

21 comments:

  1. A bengvarthlak thin hle mai. Tunlai chu naupang zingah septicaemia a tam khawp mai. Natna khirh tak angah mipui hian kan ngai a, antibiotics hmanga tihdam chi a ni em? Natna hrik hian taksaah bu an khuar ngheh tawh hnu hian a dam har viau em?

    ReplyDelete
  2. @caribou, septicaemia hi antibiotics hmang lo chuan tihdam dan dang a awm lo. Antibiotics hi a tihdamna hmanraw bulpui ber a ni e. Chuvangin a natna hrikin a huat zawng tak tur antibiotics hre turin zun, thisen, adt. kha an 'culture' thin a, chuta tang chuan eng antibiotics nge hman tur tih kha a lo hriat theih thin a ni.

    ReplyDelete
  3. Polycythemia hi Zotawng in kan nei em!engtianga enkawl chi nge?tih minhrilh theih chuan ka lawm khop ang.

    ReplyDelete
  4. @somethingJaizika, "Enge I harsatna?" tih page-ah hian ka rawn chhang tawh che a, lo en chhin teh.

    ReplyDelete
  5. @somethingJaizika,
    Doctor chuan "polycythaemia i nei' a ti che nge, 'polycythemia hi i tan a hlauhawm' a ti? Polycythemia hi Mizo tawngin kan neih ka ring lo. A awmzia chu kan thisen cell thenkhat, a bik takin Red Blood Cells(RBC) ho hi nasa takin a pung chiam mai a, chu chuan thisen kha a nih tur aia hmain a tikhang thei a, taksaah harsatna hrang hrang, stroke te, heart attack leh thil dang dang te a siam thei thin. Cell chi dang 'Platelets' an tih te pawh hi piangsualin a siam teuh thei a, chu chuan engemaw pem hleka thisen chhuak chiam a siam thei bawk. Thil dang tam tak a la awm a, tuna tan chuan kan sawi seng rih loah ngai ila.

    Polycythemia enkawl dan tlangpui chu thisen laktir emaw, damdawi ei emaw, 'chemo' ang chi lak emaw a ni ber.

    ReplyDelete
  6. This comment has been removed by the author.

    ReplyDelete
  7. A bengvarthlak hle mai. Comment thlengin a bengvarthlak. Tunlaiah Septicaemia vanga thi hriat tur an tam a, chhungtinin he natna hi hrechiangin a lanchhuah dan leh enkawl dan hre theuh ila chuan he natna avanga thi hi tun aiin an tlem zawk ngei ang. Post tha leh chhawrnaawm tak a ni.

    ReplyDelete
  8. Ka bengvar phah hle mai. Doctor hi chu in va hlu tak em!! A bikin Luangchhuak Doctor te hi!!

    ReplyDelete
  9. TPA, i ti lawmawm e. Keini ang te chu Luangchhuak doctor kan kai ve pha meuh dawn em maw ni le?

    ReplyDelete
  10. Septicaemia avang hian ka U a boral tawh. Damdawiin kan kalpui chuan a chhan hman tawh loh, a rang khawpmai. A thisen tur ah a chang an ti mai a an sawi dan chuan...

    ReplyDelete
  11. @funny, I u boral chu a va pawi êm! Ni e, a natna hrik thawh dana zirin a rang thei khawp mai. Chuvang tak chuan a natna hrik bik tak hriat hma pawhin antibiotic rin kai ber kha pek nghal tawp mai tur an lo ti rêng a ni. Engpawhnise, medical science hian hma sawn zêl mah se inchhan hman loh leh theih loh chin hi chu mihringin kan nei hrim hrim zêl dawn tih a chiang e.

    ReplyDelete
  12. 'Imperfect but forgiven Child of God' tia in inziak khian ka rilru a la hle mai!

    A bengvarthlak e!

    ReplyDelete
  13. @dina, a damlo rei ve bawka a luh lai chiah pawh a hriat theihloh. ruh nget ania vawi 3 an zai hnu ah rei deuh chu a awma ruh thar rawn chawr no leh kha vawikhat a tlu sual in a ti tliak leh a chumi na leh velah chuan dettol nena dressing kha a na a tia a duhlo ta tlat a ni2/3 vel chu dettol nen lo an dressing hman ang. Dettol nen a kum a kum an dressing a engmah thleng silo kha chu alo na bawknen kan ngaih a sam ani ber ang chu. Chumi na zual bakah chuan rinhlelhna kan neih a zan rei a durtlang damdawiin kan pan meuh chuan a tuk chawhma ah a thi nghal. A thi khera a ti ho tak tak ani. hehe

    ReplyDelete
  14. Civil damdawiin ah Pu thangchungnunga'n rei deuh a enkawl a. Ortho ward ani bawksia diazepam vela jection chak a na der an awm nawk thin mawle, nurse ho lah hian an hrethiama an han jection der vel thina an nuihzatthlak thei. lolz

    ReplyDelete
  15. Krista, khi thu khi ka hriat tirh atangin kei pawhin ka duh nghal. Gaither Vocal Band ho hla atanga ka lak chhawn a nih khi.

    @funny, a lo nih tak chu! Mihring hi thih tawh chuan a ho zo vek ṭhin. Bangladesh buai lai pawh khan Refugee ho khan injection hrim hrim hi an han ngaisang khawp a, Distilled Water-a injection dam kha tam tak an awm an ti!! :)

    ReplyDelete
  16. A va bengvar thlak ve .. han post leh zel teh u.

    ReplyDelete