Thursday, January 1, 2015

CHUL RIT THAR LEH ILA...

Kum 2 chuang a vei hnuah hei ka blog ka lut leh chiah!! Awm hmun insawn leh chhungkaw lam insingsak avang te, hna thawhna hmun sawn te pawh chhuanlam tling lo te te chu ni mah se chhuanlamah han hmang tho ta ila. Kawng leh lamah chuan Facebook lamah kan lo tuan ve thin bawk nen, hun hian min daih lo a ni deuh ber e. Chung zawng zawng bakah chuan khawvel ram changkang lo pawla chengte tan chuan Internet man phak lohna hmun te, manna tur pawisain a daih loh hun te pawh hi a lo awm ve leh fo thin a nih hi!

Engpawhnise, he blog hi lo chhiar ve palh te in awm chuan  Kum thar 2015 chibai ka han buk phawt mai ang che u. Medical lam topic lian tham chu rawn ziah leh zeuh zeuh hun te pawh a awm mai thei e. Amaherawhchu, hun neihin a daih loh chuan a tawi thei zawngin Medical lam thu thar leh in zawhna chhanna lam rawn thlur deuh tawh mai ila a that ka ring.

Chuvangin, tun tum atan chuan tun laia hriselna lam thu thar tlemte hian hmawr ka han bawk tawh ang e:

1. Tun thlasik chawlh chhung hian America ramah hritlang awmna hri a leng nasa hle a, naupang 15 velin an thih pui tawh a ni.

2. Ebola: Tun tum Ebola natna lo taidarh chiam kha a tidarh tantu chu Guinea ram mipa naupang Emile Ouamounoa ni thei mai awm mang e an ti. He mipa naupang hi an infiam laiin bak awmna thing kawrawng chhungah a lut a, chuta tang chuan Ebola a vei ta a, chu chu a taidarh ta a ni an ti.
Tunah hian Ebola vei mi 20,000 chuang awmin mi 8,000 velin an thih pui tawh a ni. Khawvel ram dangah chuan a la darh nasa lo nain, Africa rama Guinea, Sierra Leone leh Liberia ramah te chuan ziaawm lam a la pan hlei thei lo.