Hei le, India bawk! Natna hrik hlauhawm, damdawi pangngaia tihdam theih loh tichhuaktu kan ni em?
Hlauhawm leh rem rem hle mai! India ramah hian damdawi siamtu company an tam lutuk bakah, antibiotic hman lamah kan fimkhur thlawt si lo va, tan kan lak loh chuan hetiang dinhmun hi chu kan la tawng chho zel ang tih a rinawm. (Chhiar chiang duh tan a thupui khi click mai tur a ni e)
16th Feb 2012
Gonorrhoea natna tihdam theih loh a lo lang mek!
USA Centre For Disease Control-in an sawi dan chuan Gonorrhoea chi khat, tuna damdawi hman ṭhin pangngai zawng zawngin an tihdam theih loh a lo lang mek an ti. Hetiang natna hi tun kum rei lo te chhung hian a let 17 vel zetin a pung niin an sawi a, a bik takin mipa mawngkawhur ho zingah a tam leh zual an ti.
3rd February 2012
Natna hrik tisa ei thei UK-ah a darh mek!
Antibiotic hmanga tih dam mai mai theih loh natna hrik USA300 an tih mai hian taksaah khawihli ang chi lian pui pui a siam thei a, chu mai bakah âwmnâ (Pneumonia) veitîrin a veitu chuap tisa kha he natna hrik hian a ei thei bawk a nih chu!! He natna hrik hi Bus leh Rêl vêla chuanin awlsam takin a inkai darh theih tih an hmu chhuak a, ṭhalai hrisêl ṭha pangngaite pawhin an vei thei bawk. Mahni invawn fai leh fimkhur bâkah antibiotics pâwngpaw hman mai mai loh tûr a ni an ti.
17th January 2012
Virus thar avângin Europe hmar lam an ralkhêl!
Nikum November khân tûn hmaa khawvêlin an la hriat ngai loh Virus thar a lo lang hlawl mai! He virus hian bawng, kel leh beram te khawihin, ran chu an khua a sik a, nau an chhiat a, fa piangsual an hring ṭhin bawk tih an hmu chhuak a. German rama khaw pakhat Schmallenberg hmuna an hmuh hmasak ber a nih avangin “Schmallenberg virus” an vuah. He virus hian scientists ho a ti ralkhêl hle a, tunah hian he virus hi khawi aṭanga lo kal nge, engnge a pianhmang leh zia tih engmah an la hre lo va, hriatchian tumin ngawrh takin an bei mêk a ni.
13th January 2012
Zeng natna (Polio) India ramin a ûmbo ṭêp!! Hrisêlna lamah India ramin mêllung pawimawh tak a phun dâwn mêk niin mi thiamten an sawi- chu chu, Zeng natna a ûmbo ṭêp! India rama Zeng natna kai hnuhnung ber chu nikum 2011, January ni 13 khân West Bengal-ah an hmu a, chumi hnuah chuan Zeng natna vei thar tumah report India ram pumah an la awm leh rih lo. Tûnah hian test result ṭhenkhat an la hre lo va, chûng result te chu an Negative vek chuan India ram chu Zeng natna awm lohna ramah WHO chuan a puang thei dâwn niin an sawi.
11th January 2011
TB hrik damdawia tihhlum theih loh an hmu chhuak: Khawvelah TB hrik damdawia tihhlum theih loh (Totally Drug-Resistant) ram 2-ah an hmu chhuak a, hman deuh lawkah Iran rama an hmuh chhuah hnuin tunah India ram ngeiah an hmu chhuak leh ta! Heng TB hrikte hian TB damdawi engmah an ngeih lo va, khawvelin Multi-drug Resistant (MDR-TB) an hmelhriata an buaipui mek laiin he natna hrik thar hi a lo chhuak leh ta a ni. India ramah hetiang TB hrik nei mek hi mi 12 an hmu chhuak tawh a ni.
10th January 2011
Ke bâwk Kg 90-a rit an zai hlawhtling: January ni 5 khan Vietnam pa Nguyen Duy Hai-a, kum 31 mi ke dinglam bâwk Kg 90 laia rit chu darkar 12 chhûng zet an zai hnuin an zai hlawhtling. A zaitu ho hi American mi Dr. McKay McKinnon, Chicago St. Joseph's Hospita-a Plastic Surgeon a ni.
