Friday, December 16, 2011

Post 1: Inhmelhriattirna

Han ti ve rawih ang aw! 

Mizo tawng hmang Blog tam tak kan neih zingah hriselna  lam thu leh hla bik liau liau atana Blog siam hi ka la hre lem lo va.  Saptawng hmang thiamte tana hreiselna leh damdawi lam tarlanna website/blog chhiarsen loh an awm laiin Mizo tawng erawh chuan hmuh tur a vang hle a, a rualawhthlak hle bawkin ka hria.

Mi tam takin hriselna kawnga doctor rawn zung zung tur kan hmuh loh avang leh rawn man pawh kan neih remchan loh fo avangin ngawi rengin kan natnate a rukin kan tuar ngawt ngawt thin a nih hi. Chutiang a nih avang tak chuan awlsam zawka hriselna lam thukhawchang chhiar tur a awm theih nan leh,  a mamawh zualte tana hriselna/natna chungchanga zawhna zawh theihna remchang siam pahin he blog hi ka han buatsaih ve tawp mai a ni e. Theih ang angin in zawhnate chhan zel kan tum dawn nia.  Hmaichhana doctor rawn chu tluk lo mahse kawng tam takah kan tangkaipui tho ka beisei. 

Comment atangin zawhna lam pawh a zawh theih bakah, "Doctor Rawnna" tihah hian i harsatnate sawiin doctor i rawn thei a, "Add Comment" tihah hian click keuh mai tur  ani. A phek hi a in 'load' muang deuh mai thei a, dawhtheih deuh pawh a ngai mai thei. A tul chuan email lam thlengin hman tangkai theih turah ngai ila, Contact Me tihah hian min han email dawn nia.  Han ti chhin phawt ila, tih dan tha zawk kan la zir chhuak chho zel ang chu. Engti kawng zawng emaw tala he blog tlawhtuten in lo tangkaipui chuan he blog siam chhan hi a hlawhtling tihna a ni ang.
 
Posted by at

25 comments:

  1. lrpaJanuary 2, 2012 at 5:58 AM

    Good job! a that dawn hi..lawmawm e.

    ReplyDelete
  2. HluaJanuary 2, 2012 at 6:49 AM

    thil tangkai tak tur ani. mahse sawifiah harsa a awm fo thin a.

    ReplyDelete
  3. sheldonJanuary 2, 2012 at 7:01 AM

    I inpekna a ropui hle mai. Natna critical lutuk lemlo, professional han biakrawn na tur si hi a tam ve a, kan tangkaipui ngawt ang. Kan tibuai ngun lutuk ang che tih a hlauhawm ang a..haha.

    ReplyDelete
  4. Mann-a (C. Lalhmunmawia)January 2, 2012 at 7:12 AM

    A link hi ka theihnghilh mai ang tih ka va hlau em aw. Blog tangkai tak anih dawn hi. Kei pawhin ka lo la rawn sel mai ang che tih ka hlau hlel lo e. :)

    ReplyDelete
  5. H.VangchhiaJanuary 2, 2012 at 8:33 AM

    This comment has been removed by the author.

    ReplyDelete
  6. H.VangchhiaJanuary 2, 2012 at 8:34 AM

    Nang, a zir a zir chhuak ngei khan han ziak fo teh khai. Hmang tangkai tak tak kan la tam thei ang.

    Mizo te hi health conscious na kawngah hian kan thatchhe hle mai. A hria pawhin kum khatah vawikhat tal full checkup neih thin te hi tha deuh ani tih hre chung hian peih kan tamlo hle awm e. "Prevention is better then cure," tih tawngkam hi chhiar liam mai lova kan vawn tlat a tul hlein ka hria.

    ReplyDelete
  7. RamluahaJanuary 2, 2012 at 9:07 AM

    A tha dawn viau e.Kan hlawkpui tlan ngei ka beisei.

    ReplyDelete
  8. Sawmte EmesJanuary 2, 2012 at 11:01 AM

    I lo ngaichang ang hmiang

    ReplyDelete
  9. AnonymousJanuary 2, 2012 at 11:32 AM

    Hmasawnna step tha tak pakhat ni tur a ni ngei ang, han ti zel teh.

    ReplyDelete
  10. dinaJanuary 2, 2012 at 1:45 PM

    In comment a hluin a va lawmawm em. @Hlua, a dik chiah. Damdawi lam hi Mizo tawnga sawi fiah hleih theih loh ka ngah mai. @sheldon, inthlahrung lutuk suh. Min tihbuai pawhin buai loh hunah kan rawn chhang mai dawn che a lawm!! :)
    @Mann-a P, a link hi tih simple ka tum viau a, duh aiin a sei ta mah mah a! Engpawhnise, lo lut tlut tlut la, i familiar mai ang! :) Suggestion leh constructive criticism kan dawng duh reng a nia. Inthlahrung suh.
    Pu HV, thanks for your comments.
    Thank you all.

    ReplyDelete
  11. hawkdakaJanuary 2, 2012 at 6:46 PM

    thil tha ka chhar ta e.

    ReplyDelete
  12. caribouJanuary 2, 2012 at 7:04 PM

    A va ropui tak em. Hetiang blog tha leh hlu hi alawm ka mamawh chu. Kei leh ka chhungte tan a hlu dawn khawp mai.

    ReplyDelete
  13. valaJanuary 2, 2012 at 7:51 PM

    ka rawn tlawh ziah dawn ania,zawhna pawh ka ngah hle ang

    ReplyDelete
  14. valaJanuary 2, 2012 at 7:55 PM

    ka rawn tlawh ziah dawn ania,zawhna pawh ka ngah hle ang

    ReplyDelete
  15. jennifer loJanuary 2, 2012 at 8:55 PM

    a va thra dawn ve ka regu leh ngawt ang, kei ang mi trawmkailo hi chu

    ReplyDelete
  16. AnonymousJanuary 3, 2012 at 2:29 AM

    A tha thlawt mai. Nitin ka tlawh ziah ang

    ReplyDelete
  17. dinaJanuary 3, 2012 at 2:42 AM

    @Vala, jennifer & Anon, rawn tlawh fo rawh u. In zawhna pawh theih ang angin chhan kan tum thin dawn nia.

    ReplyDelete
  18. jpaiteJanuary 3, 2012 at 5:54 AM

    Tha tak a ni. Mite tana in inpek duhna thinlung hrim2 pawh hi a ropui teh e. Hlawhtling mawlh teh u.

    ReplyDelete
  19. MuanteaJanuary 3, 2012 at 9:21 AM

    I va tiropui ve! Tuna i hna pawh midang tana malsawmna,Pathian rawngbawlna ropui tak a nih tawh nak alaiin hetiang leh zela in han insawrchhuak thei hi a ropui ka ti takzet a ni. visitors-ten hlawkna kan hmu thahnem ngawt ang le.

    ReplyDelete
  20. dinaJanuary 3, 2012 at 12:48 PM

    @jpaite, i mi duhsaknaah lawmthu ka sawi e.

    Muante, happy new year. He blog hi ningnel hle mah se engemaw zawng tala miten an lo tangkaipui chuan a lawmawm dawn ema tiin kan han inti mualpho ve mai mai a nih hi.

    ReplyDelete
  21. tafelaJanuary 21, 2012 at 8:42 PM

    A lawmawm hle mai, hetiang blog hi Mizo ten kan mamawh reng ani. A tangkai khawp mai. Mite tan a i inpekna hi a ropui ka ti.

    ReplyDelete
  22. Opa RalteJune 9, 2013 at 4:13 AM

    tha ve

    ReplyDelete
  23. UnknownJuly 11, 2016 at 10:47 AM

    tha dawn hle mai, Tan la sauh sauh rawh u

    ReplyDelete
  24. MangaiaJanuary 27, 2019 at 8:45 AM

    Rawn dah belh zel teh u.

    ReplyDelete

Subscribe to: Post Comments (Atom)